Siet düssen Sommer besteiht nu dat Nettwark Junge Lüüd/NJL (De Grünnen weer an'n 8. Juni 2026, www.nettwark.org). Veel hett sik daan sietdem un bi en Reeg Veranstaltens weren Vertreders:chen ut't NJL dorbi. An'n 28.10. geev dat en Online-Drapen mang de Liddmaatschop un snacken över dat eerste Präsenzdrapen. Düsse Veranstalten finnt an'n 07.11.2026 steed, in Hamborg in de nedderdüütsche Bibliothek vun de Carl-Toepfer-Stiften. Dat NJL laadt hierto all junge Lüüd twüschen 18 un 35 Johr as ok de Liddmaat:schen in.
Präsenzdrapen vun't Nettwark Junge Lüüd (NJL) - 7.11.2026 twüschen Klock 11 un 17,
in de nedderdüütsche Bibliothek vun de Carl-Toepfer-Stiften in Hamborg
To desülvige Tiet is de Optakt vun de plattdüütsche Bökermess. De Deelnehmers:chen vun uns Nettwark-Drapen sünd inlaadt, bi de Verapentlichen vun de Bökermess vun Klock 11 bet 12 deeltonehmen, de twee Vörsitters:chen vun't NJL Janine Siewert un André Graën stellt uns dor ok kott vör. Achterna maakt wi uns Workshop in de nedderdüütsche Bibliothek bet Klock 17. In de Middagspoos hebbt wi nochmal de Schangs kott över de Bökermess to gahn. (De Bökermess geiht noch bet Sünndag, för de, de nochmal utföhrlich röverkieken wüllt.)
Op un Präsenzdrapen hebbt wi för all dree wichtige Punkten op't Tapeet stahn:
- Wat för en polietsche Utrichten wüllt wi inslaan, woans wüllt wi uns Malen positschoneren?
- Wat för Födderns hebbt wi? Wi wüllt uns eerst Föddernspapeer schrieven un rutbringen.
- Wat för Projekten hebbt wi, för de wi Warkkoppeln/Arbeitsgruppen bruukt? Woans wüllt wi in düsse Koppeln arbeiden?
Wi wören uns freien, wenn sik mööglichst vele vun jo anmellt - wi hebbt alltohoop 35 Plätz to vergeven. All Lüüd twüschen 18 und 35 Johr as ok de Liddmaat:schen sünd vun Harten inlaadt. De Fohrtkosten warrt vun uns övernahmen.
Wenn ji mitmaken un dorto kamen wüllt, schrievt uns eenfack en E-Mail an: info@nettwark.org.
Anmellen kann een sik bet to'n 5.11.2026.
Dieses Treffen wird gefördert durch das Bundesministerium des Innern aufgrund eines Beschlusses des Deutschen Bundestages.
