Podcast: Wetenschopp op Platt #1 – Wat du över de Tiden leert hest, is verkeert

Grafik Gezeiten Mond und Erde

Wat edgy klingen deit, is gaar nich so unwaar. Dat, wat wi in de School maal leert hebbt, woso bi de Tied dat Water hoog un bi Ebb sied steit, is gaar nich de echte Waarheid. Bloots wieldat daar so en Kluts uut vasten Steen, Regolith un Metallen mitnaam Maan üm de Eer küselt, heet dat nich, dat he de helen Ozeanen antrecken kann. Wenn dat so weer, schall ik mi vun nu af an bloots noch bi en Springtied wegen. In düssen Podcast geit dat üm de rejellen Achtergrünnen, woso bi Tied dat Water kümmt, wodännig sik dat mit en „frame of reference“ verklaren lett, wat de Kuntinenten daarmit to doon hebbt un of de Haar an Neemaan wirklich langsamer nawassen doot. (Üm nich den Anslööt to verleren, bekiek di hier ook dat Titelbild, wo dat üm geit.)