Online-Warksteed „Schölerbotschafters vun de Däänsche Minnerheit“

Dat gifft veel junge Lüüd, de keen Verbinnen mehr to dat Plattdüütsche hebbt. Öllern un Grootöllern hebbt de Spraak faken sülvst nich mehr lehrt un köönt ehr nich an de Kinner wiedergeven. Wat gifft dat för Ideen, dat junge Minschen en Togang to Plattdüütsch kriegt un sik för de Spraak intresseert?
In de Däänsche Minnerheit gifft dat Schölerbotschafters: Junge Lüüd ut de Minnerheit gaht in de Scholen un vertellt, woans se in ehr Minnerheit leevt, woans se ünner’nanner vernett sünd un wat Spraak för jüm för en Rull speelt. Weer dat ok en Idee för dat Plattdüütsche?

De Bundesraat för Nedderdüütsch un dat Nedderdüütschsekretariat laadt junge Lüüd bet 40 in:
Online-Warksteed „Schölerbotschafters vun de Däänsche Minnerheit“
22. Septembermaand 2022, Klock halvig 7 an’n Avend

As Gäst hebbt wi Miie Kahl un Emily Bünning vun de Duborg-Skolen in Flensborg. De beiden sünd Schölerbotschafterinnen bi dat Schölerbotschafter-Projekt vun’n ADS-Grenzfriedensbund e. V. Se stellt dat Projekt un de Opgaven as Botschafters vör. Wat hoolt ji vun so’n Projekt un köönt ji jo dat ok för dat Plattdüütsche vörstellen? Wi freit uns op den Uttuusch un op jo Ideen un Vörslääg!

Junge Lüüd bet 40 Johr sünd hartlich inlaadt – tohören un uttuuschen!
Wokeen dat maken deit: Bundesraat för Nedderdüütsch un Nedderdüütschsekretariat
Anmellen un Nafragen: per Mail an: info@niederdeutschsekretariat.de
Frist för’t Anmellen: Middeweken, 21.09.2022
Datum un Tiet: Dünnersdag, 22.09.2022, Klock halvig 7 bet Klock 8
Wo wi dat maakt: online, Zoom-Link kümmt över ‘n Mail