Informatschoons- un Uttuuschveranstalten för’t Süüdollnborger Mönsterland
Datum: 27. November 2025
Klockentiet: Klock 17:00-19:00
Oort: Krapp-Haus, Cloppenburger Heimatverein, Sevelter Str. 4, 49661 Cloppenburg
Anmellen bet to’n 23.11. ünner info@niederdeutschsekretariat.de oder 040 / 35080377.
De Region Süüdollnborger Mönsterland un dat Plattdüütsche höört tosamen, för vele Minschen hier is dat Utdruck vun Heimat, Neegde un Identität. Man ok wenn dat noch en Reeg Lüüd gifft, de dat snacken köönt, hett de Spraak en Imageproblem. Wo faken süht een ehr noch in de Apentlichkeit, bi’t Inkopen, op de Straat oder in’n Kroog?
De Bunnsraat för Nedderdüütsch (BfN) un dat Nedderdüütschsekretariat (NdS) sett sik aktuell stark för en grötter Prestiesch un Sichtborkeit vun de Spraak in de Apentlichkeit in. Dat Inboen vun Platt bi de egen Steed is gor nich so swoor un kann liekers en groten Effekt hebben.
Gemeensam mit jo wüllt wi uns doröver uttuuschen, woans dor vör allen de öörtlichen Ünnernehmens un Bedrieven bi helpen köönt. Wi wüllt uns Hölp anbeden un villicht hebbt ji dor ok al wat to maakt un wüllt dat vörstellen.
Wi freit uns op den Uttuusch mit jo! Ok an Natt un Dröög warrt dat nich fehlen. Seggt uns för’t Planen bidde bet to’n 23. November Bescheed, wat ji dorbi sünd.
Inladen dalladen: „Plattdüütsch in uns Region sichtbor maken“
Stütt geven för de Veranstalten deit dat Bunnsbinnenministerium.
