En Soirée för Platt – Wi waagt en Blick in de Tokumst un över de Grenz
Wannerutstellen „Was heißt hier Minderheit?“ to Gast in Cloppenborg
An’n 15. Juli 2025 Klock 6 an’n Avend in’t Museumsdörp Cloppenborg in Neddersassen
Anmellen bet to’n 11. Juli ünner info@niederdeutschsekretariat.de.
De Bunnsraat för Nedderdüütsch un dat Nedderdüütschsekretariat laadt in to en Avendveranstalten mit Impulsen to ne’e Perspektiven op Platt un en heel besünner Musikprojekt. In den eersten Deel geiht dat üm Politik för Platt, de Tokumst vun Platt un Weten över de Spraak. Dorna freit wi uns op Otto Groote un Bert Hadders mit dat Brückenbauer Ensemble – twee Ledermakers, de beide in de Grenzregion tohuus sünd. De een op de düütsche Siet vun de Grenz un de anner in’n Noordwesten vun de Nedderlannen. Se sünd as Brüchenboers ünnerwegens un nehmt uns mit Musik un Vertellens mit in jümehr Regionen. De Spraak un de Musik verbinnt de beiden över de Grenz weg.
Na dat Kulturprogramm hebbt ji de Schangs de Utstellen „Was heißt hier Minderheit?“ antokieken un de enkelten Gruppen kennentolehren. Un an’t Enn is Tiet för en Klöönsnack bi Natt un Dröög.
Programm:
Ne’e Perspektiven op Platt – kotte Impulsen
- „Was heißt hier Minderheit?“ – en Utstellen wannert dör’t Land
- Politik för Platt – Wat liggt opstünns an?
- Brüchen in de Tokumst slaan – Spraakplaan Nedderdüütsch 2050
- Platt an de Uni Ollnborg – de ne’e Studiengang Nedderdüütsch
- Op den Weg hen na dat Schoolfack Platt – En Blick na Sleswig-Holsteen un Neddersassen
- Över de fief autochthonen Gruppen in Düütschland – Wetensvermiddeln in de School
Otto Groote un Bert Hadders mit dat Brückenbauer Ensemble
Besöök vun de Utstellen un Klöönsnack bi Natt un Dröög
Stütt geven för de Veranstalten deit dat:
