„Plaan un Maal – Spraakpolitik bi Sami, Westfresen, Plattdüütsche“

Onlineveranstalten. Vördrag un Diskussion.


Op dat Rebeet vun de Billen is wat schehn: Siet poor Johr gifft dat plattdüütsche Modellscholen in Sleswig-Holsteen. Op dat Rebeet vun de Medien mutt wat schehn: De Kampagne „Funklock stoppen!“ sett sik in för en öffentlich-rechtlichen plattdüütschen Kanaal.
Beide Bispelen wiest: Platt un Politik höört tohoop!
Wi wüllt mit Ju kieken, woans Sprakenpolitik bi anner Chartaspraken utsüht. Köönt wi uns bi de Navers wat afkieken?
To Gast sünd de Spraakwetenschoplersch Janine Siewert vun de Universität in Helsinki/Finnland un de Spraakaktivist un Journalist Onno Falkena vun Omrop Fryslan in Leeuwarden/Nedderland. Se warrt spreken över de Laag bi Sami un Westfresen. De Diskussion achteran schall en Forum ween, in dat wi uns apen dorto uttuuschen un in't Gespreek kamen köönt.

Plaan un Maal – Spraakpolitik bi Sami, Westfresen, Plattdüütsche
Onlineveranstalten. Vördrag un Diskussion.
Dünnersdag, 17. Februarmaand 2022, Kl. 18.30 – 20.00
Mitmaken kost nix.
Anmellen: j.graf@heimatbund.de

De Veranstalten steiht ünner dat Dack vun de Kampagne „Funklock stoppen!“ un warrt op de Been stellt vun Bundesraat för Nedderdüütsch/Nedderdüütschsekretariat, Sleswig-Holsteenschen Heimatbund un Zentrum för Nedderdüütsch in Holsteen. Wi freut uns op Ju!

Inladen daalladen