Dree Länner – Mekelborg-Vörpommern, Neddersassen un Sleswig-Holsteen – hebbt sik tohoop daan un en plattdüütsch Kulturfestival op de Been stellt: 2022 heet dat wedder „Noord Noord Oost – Wi dreiht up“. De Lümborgsche Landschopsverband, de Heimatverband Mekelborg-Vörpommern un dat Plattdüütschzentrum Holsteen laadt to dree Kulturveranstaltens in. Dat gifft Leder un Musik op Platt in Boizenborg, Liederatur op Platt in Loonborg un en Platt-Poetry Warksteed in Lümborg. De Veranstalters freit sik op en Barg Lüüd, de dorbi sünd, mitmaakt, mitsingt un kreativ warrt!
