Nettwarkdrapen Junge Lüüd in Bremen

De Bunnsraat för Nedderdüütsch un dat Nedderdüütschsekretariat, dat Institut för nedderdüütsche Spraak un dat Lännerzentrum för Nedderdüütsch laadt in na en Nettwarkdrapen vun junge Lüüd - an'n 13. Dezember in Bremen. Wi wüllt op dat Johr 2025 trüchkieken, uns mit jo uttuuschen över betere Nettwarkmööglichkeiten un woans een fastere Strukturen för Jöögdarbeit opboen kann. Wat för en Fokus schall de Arbeit mit junge Lüüd för't Johr 2026 hebben? Nu sünd ji fraagt!

Wi laadt all Lüüd twüschen 18 un 35 Johr in, de Lüst hebbt, mittodoon un de ehr Ideen inbringen wüllt. Wi lehrt toeerst de Institutschoon vun't Lännerzentrum för Nedderdüütsch kennen, kriegt denn en plattdüütsche Stadtföhren vun't Leider vun't LzN un lehrt denn dat Institut för nedderdüütsche Spraak kennen un maakt uns dat dor kommodig för uns Uttuusch un Kennenlehren.

Bremen büddt en Reeg schöne Wiehnachtsmärkt an, wo een achterna gemeensam den Avend utklingen laten kann.

Ji köönt sik bet to'n 11. Dezember anmellen bi info@niederdeutschsekretariat.de.

De Reiskösten warrt jo betahlt.

Wi freit uns al op jo!

Stütt för de Veranstalten gifft dat Bunnsbinnenministerium.